برايكم صاحبات هذه  النكات بنات متربيات ؟؟!!...

 لو اتكلم معاهم متأكده  بيقـولون ..إننا  بنات متربيات و وبنات ناس ومو محتاجين  لشهادتك ولاتحكمين علينا بالمظهر او بنك مستعار ..

شر البليه ما يضحك

نجي للشباب الي مايخافون على حرمة خواتهم ولا بناتهم في المستقبل 

انا متأكده ان ربي بيبليهم يوم من الأيام

برايكم اصحاب ذي النكات ا شخاص محترمين؟؟!!

 لوبس اطرح عليهم ذا ااسؤال؟ بيقولون  انتوا البنات تحاولون تزكون ا نفسكم وشايفين حالكم  ملائكه ماتغلطون  وانتم اوصخ خلق الله  ,, وبيقولون احنا رجال  نسوي الي نسويه  وما يعيبنا شيء

ما اقول إلا لا حــــول ولا قوة إلا بالله

يارب لا تبلينا  بما فعل السفهاء منا

نجي للقروب المتزوجين >>مايخافون ربهم محصنين ويسون كذا

شيء يشيب له الشعر

يارب لاتبلينا 

بحكيلكم قصه ( بختصار ) صارت لي في الشات  اثرت في نفسي كثييييييييير

  .. لما كنت انتظر صديقتي في الشات جاني شخص خاص  بصراحه النك كان لا أخلاقي ابدآ يرفض لساني النطق به .. قلت في نفسي برد بشوفي الناس المنحطه كيف تفكر .. بالفعل رديت ..طلع شخص يدعي انه سعودي وفي النهايه  اكتشفت انه تونسي  يعمل في كوريا . وعلى طول فتحت باب النقاش معاه على النك نيم  قام يستعرض علي إنجازاته وانه عليه طلب   وانه مافي شي في الدنيا من المنكرات ما سواه وقعد يجاهر بالمنكر .. لا حول ولاقوة إلا بالله  بصراحه انا كنت حزينه على ذا الشخص ..جلست اناقشه بالمنطق و إن إلي يسويه حرام لإني لاحظت انه مسكين مايعرف شي عن الحلال والحرام  ثقافته الدينيه اقدر اقول عنها منعدمه !!تخيلوا وش يقولي ؟؟.. يقول ان كل الي يسويه بيجي يوم ربي  بيسامحه فيه !!

ليش ليكون صار عندنا صك غفران مثل المسحيين

بجد انا استعجب من التفكير الغريب؟؟؟؟؟؟؟؟

  المهم قلت له صحيح ربك رؤوفً رحيم لكن شديد العقاب وحاولت اقوله انه بتصرفاتك ذي استبحت حرمة اهلك وا خواتك لأنك كما تدين تدان

صون نفسك وين ماكنت ربي يصونك ويصون اهلك وين ماكانوا

انا حسيت انه تأثر بكلامي  وتأثر اكثر لما عرف اني اصغر منه بسبع سنين وتكلمت بمنطق يعجز هو يتكلم به

وعلى طووول شكرني وخرج من الشات نهائيآ << اتمنى اني قدرت احرك فيه شيء ساكن واتمنى من الله ان يهديه ويهدينا ويهدي شباب وبنات المسلمين

:

:

عندي سالفه قالتها لي وحده من صديقاتي ضحكتني وحبيت انقلها لكم

تقول في واحد في الشات  يشارك بنك مستعار اسمه ســياسـي

  و مسكين ذا الشخص كل ماجاء يشارك حاله حال غيره  ينطرد !! سأل ليش يعني كل شوي حاذفيني وطارديني

تخيلو وش ردوا عليه ؟؟

قالوا له غير اسمك وبعدين تعال شارك << هههههههههه

شرايكم بس

: 

قبل ماانهي البلوق حبيت اقول ان الصور ترددت كثير قبل ما احطها بس حبيت انكم تشوفونها  وتتفاعلون معايا

اتمنى اتمنى نقاش جاد في ذا الموضوع

وإلي جاي يـجامـل ويقول لي مشكوره على الطرح .. والله يكثر من امثالك ومن ذا الكلام .. انا اقولهم وفروا على انفسكم 

شبعت كلام مجاملات

واتمنى كمان لو بنت او شاب  قرأ الموضوع وعارف نفسه إنه من الفئه المذكوره أعلاة ..يوفر على نفسه عناء التعليق .. لاني ما اتشرف استقبل اشكال ح ق ي ره مثل هذه في مساحتي

وقبل الختام .. مني  لكم احلى سلام